Мұрат Баймұқашев ҚР Қауіпсіздік кеңесі Аппаратының басшысы болып тағайындалды

Президент Қасым-Жомарт Тоқаев 2026 жылғы 5 қыркүйекте Мұрат Баймұқашевты ҚР Қауіпсіздік кеңесі Аппаратының басшысы етіп тағайындады, деп хабарлайды Zakon.kz.

Тиісті құжатты Ақорда баспасөз қызметі Telegram-дағы ресми арнасында жариялады.

"Мұрат Қалибекұлы Баймұқашев Қазақстан Республикасы Қауіпсіздік Кеңесі Аппаратының Басшысы болып тағайындалсын, ол бұрынғы атқарған лауазымынан босатылсын", – делінген құжатта.

Еске салайық, 2026 жылғы 29 тамызда Қасым-Жомарт Тоқаев мемлекеттік басқару жүйесін одан әрі жетілдіру туралы жарлыққа қол қойған. Құжатқа сәйкес, ҚР Қауіпсіздік кеңесі Аппараты дербес мемлекеттік орган ретінде құрылды.