Украиндық «Голос» шоуының қазылар алқасын таң қалдырған қазақстандық туралы не белгілі
Сурет: Instagram/dimash.dauletov
Рудный қаласының тумасы Дінмұхаммед Дәулетов әншілік туралы, жалпы сахна туралы ойланбады. Себебі ата-анасы бұл кәсіптің жеңіл-желпі екенін алға тартты.
Жас әнші техникалық училищені экскаватор машинисі мамандығы бойынша бітіріп, тау-кен байыту комбинатына жұмысқа орналасады.
Республикалық байқауда Дінмұхаммед Айқын Төлепбергенмен дуэт шырқағанда бәрі өзгерді. Осы байқаудан кейін Димаш әнші боламын деп өзі шешіп, республикалық «X-Factor» вокалдық байқауына қатысты.
Дінмұхаммедтің онда жолы болмады. Себебі «креслолар» кезеңінен өте алмады. Әншінің айтуынша, оның көңілі қалған, бірақ одан бас тартқысы келмеді – ол зауытты тастап, арман үшін Қазақстанның астанасына көшті.
Бұл жолы ата-анасы ұлдарының ұмтылысын қолдады. 2016 жылы Димаш қазақстандық «Голос» байқауына қатысып, оны өз командасына алып кеткен Ева Бехер есімді тәлімгерді табады.
2017 жылдың қаңтарында Дінмұхаммед «Қазақстанның дауысы» атанды.
Әнші болсам деген арманын орындады, бірақ байқауларға қатысуды тоқтатпады.
Жақында украиналық «Голос» шоуының «соқыр тыңдауларында» Дінмұхаммед Уитни Хьюстонның «I have nothing» әнін орындады. Төрт тәлімгер де оған бұрылды. Бірақ қазақстандық Ольга Полякованың командасына баруды жөн көрді.
