Димаштың концертіне алғашқы 15 минутта-ақ 36 елден жанкүйерлері билет алған

Димаш Құдайберген, сурет - Zakon.kz жаңалық 15.07.2022 15:39

Сурет: Instagram/kudaibergenov.dimash

Билет сатылымы басталған алғышқы 15 минутта Димаштың концертіне 36 елдің Dears жанкүйерлері билет алған, деп хабарлайды Zakon.kz

14 шілдеде Димаш Құдайбергеннің Алматыда өтетін алғашқы жеке концертіне билеттер сатыла бастады.

Ticketon ақпараты бойынша, алғашқы 15 минутта шоуға билеттерді әртістің әлем бойынша 36 елдегі жанкүйерлері сатып алған, – деп жазды Dimashnews.com cайты.

Ал Димаш Құдайберген өзінің Instagram-дағы парақшасында Dears-ке алғысын білдіріп, оларды туған елінде асыға күтетінін айтты.

Шоу Қазақстандағы ең ірі спорт ғимараттарының бірі – Орталық стадионда өтеді. Құрметті тыңдарманыммен туған елімде қайта кездесетініме қуаныштымын! Сіздерді асыға күтемін!Димаш Құдайберген

Димаштың «Stranger» концерті 2022 жылдың 23 қыркүйегінде Алматы қаласының орталық стадионында өтеді.

Оқи отырыңыз