Қабанбай батырдың жерленген жерін көрсеткен карта табылған

Карта, сурет - Zakon.kz жаңалық 15.12.2022 23:34

Сурет: pixabay

Бұл туралы ақпарат ұлы қолбасшының 330 жылдығына арналған ғылыми-тәжірибелік конференция барысында жария болды. Алайда бұл деректің ақиқатын анықтау ғалымдардың еншісінде, деп хабарлайды Zakon.kz.

Конференцияға қатысушылар зерттеуші Серікбосын Сайдағалидың сөзіне сілтеме жасай отырып, XVIII ғасыр картасында Ресейдің географиялық аймағы бейнеленгенін айтады. Онда Қабанбай батыр соңғы жылдары өмір сүрген және жерленген деген ұлыс көрсетілген. Батырдың шын аты Ерасыл екені белгілі. Ерлігі мен батырлығы үшін ел оны Қабанбай батыр атаған. Абылай хан заманында дарабоз батыр деп даңқы шыққан. Ол 15 жасында жоңғар шапқыншылығына қарсы күресті. Ғылыми ортада Қабанбай батырдың жерленген жері туралы бірнеше нұсқалар бар. Біреулер оны Астанадан 30 шақырым жерде, енді біреулер Қызылорданың тұсында жерленгенін айтады. Тіпті, оның бейіті Қытайда дейтіндер де табылады. Ал батырдың сегізінші ұрпағының өз уәжі бар, деп хабарлайды "Хабар 24".

Мен Қабанбай батырдың тікелей ұрпағымын. Сегізінші буын өкілімін. Сондықтан мен нақты білемін. Біздің ата-бабамыздан, ауыздан ауызға тараған дерек бойынша батырдың жатқан жері Шығыста – Алакөлдің жоғарғы жағасы, Жоңғар қақпасының сол жағында. Атақты батыр 103 рет шайқасқа қатысып, үнемі жеңіске жеткен. Соңғы жекпе-жекке 78 жасында, қайтыс боларының алдында шыққан.Қабанбай батырдың ұрпағы Ұлықпан Сыдықов

Оқи отырыңыз