Жаңалықтар тізбегі
0

Павлодар облысында Қошмұхамед Кемеңгерұлының 99 жыл бұрын жарық көрген еңбегі табылды

Қошке Кемеңгерұлы, "Қазақ тарихынан", Павлодар облысы, Алаш қайраткері Сурет: pixabay
Павлодар облысы Железин ауданы Веселаяроща ауылының бір тұрғынынан ақын, жазушы, Алаш қайраткері Қошмұхамед Кемеңгерұлының 1924 жылы Мәскеуде басылып шыққан "Қазақ тарихынан" атты кітабы табылды. Кітап түпнұсқа болғанымен, әбден тозығы жеткен, деп хабарлайды Zakon.kz.

Massaget.kz басылымының жазуынша, құнды еңбек "Алашордалықтар ізімен" атты экспедиция кезінде табылған. Туынды 1924 жылы Мәскеудегі Нәзір Төреқұлов басқарған "Күншығыс" баспасынан 4 мың тиражбен басылып шыққан. Алғысөзін Ғаббас Тоғжанов жазған. 

Павлодардағы Бұқар жырау атындағы әдебиет және өнер музейінің директоры Ербол Қайыров "Қазақ тарихынан" кітабымен қоса 2022 жылы Аққулы ауданынан А.Байтұрсыновтың 1911 жылы шыққан "Маса" жинағы, жыл аяғында Ертіс ауданынан Абай Құнанбайұлының 1909 жылы шыққан алғашқы жинағы табылғанын атап өтті.

Музей директоры табылып жатқан жинақтардың бәрін ауыл тұрғындары Құранмен бірге сақтап келгенін айтты. Қошке Кемеңгерұлының құнды туындысы түпнұсқа болғанымен, беттері толық сақталмаған, әбден тозығы жеткен. Оған өңдеу жұмыстары жүргізіліп, музей қорында сақталады. 

Бұл кітапқа Мұхтар Әуезов 1927 жылы: "Тарихтың дәл суреттерімен толығырақ танысамын деген кісі болса, қазақ тілінде шыққан Халел Досмұхамедұлының "Исатай - Махамбет" жырының басына жазған баяншысы мен Қошмұхамбет Кемеңгерұлының "Қазақ тарихынан" деген еңбектерін қарап өтсін дейміз", – деп баға берген.










Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: