Желіде Димаштың атасы Құдайберген Айтбаевпен қоштасу сәтінің видеосы пайда болды
Сурет: Instagram/miuaniz
Instagram-дағы парақшалардың бірінде Құдайберген Айтбаевпен қоштасу сәтінің видеосы жарияланды. Кадрлардан «Хазірет Сұлтан» мешітінде өткен қаралы жиынға Қазақстан мұсылмандары діни басқармасының төрағасы, Бас мүфти Наурызбай қажы Тағанұлының қатысқанын көруге болады.
2023 жылы 13 маусымда 82 жасында Димаштың атасы Құдайберген Айтбаев дүниеден өтті. Бұл туралы ақын, журналист Бауыржан Бабажанұлы әлеуметтік желіде жазып, отбасына көңіл айтты. ҚР Мәдениет және спорт вице-министрі Нұрқиса Дәуешов те көңіл айтты.
Құдайберген Айтбаев 1941 жылы 25 шілдеде Ақтөбе облысында дүниеге келген. Димаш Құдайберген – оның тұңғыш немересі. Димаш қазақтың ескі дәстүрі бойынша атасы мен әжесі Миуа Низамутдинова мен Құдайберген Айтбаевтың тәрбиесінде болған. Димаштың талантын алғаш байқағандардың бірі атасы мен әжесі еді.
2019 жылы Құдайберген Айтбаев еліміздің әлеуметтік-экономикалық және мәдени дамуына қосқан елеулі үлесі үшін медальмен марапатталды. Одан кейін қазақстандық орындаушының атасы Димаш Құдайбергенге Ақтөбе облысы әкімінің орынбасары Марат Тоқжанов (қазіргі Батыс Қазақстан облысы Бәйтерек ауданының әкімі) «Ерен еңбегі үшін» медалін табыс етті.
2018 жылы Миуа Низамутдинова мен Құдайберген Айтбаев 50 жылдық "Алтын тойын" атап өтті.
