Төреғали Төреәлі көлік жүргізу куәлігінен айырылғанына өкініп отыр

Сурет: instagram.com/toregalitoreali/

Әнші Төреғали Төреәлі бостандыққа шыққаннан кейін алғаш рет Instagram-да жазба жариялады, деп хабарлайды Zakon.kz.

"Ер жігіттің жарамас жылағаны, Ештеңе етпес сүрініп, құлағаны. "Орнында бар оңалар" бәрін қойшы, Праваны айтсайшы пыраваны!", - деп жазды ол.

Посмотреть эту публикацию в Instagram

Публикация от 𝐓𝐎𝐑𝐄𝐆𝐀𝐋𝐈 𝐓𝐎𝐑𝐄𝐀𝐋𝐈 (@toregalitoreali)

Әншінің оқырмандары бұл жазбаға түрлі пікір жазып жатыр:

Праваны қойшы, ата-ананың ауырған жүрегі мен абыройды айт;
Ер жігіттің басына не келіп, не кетпейді. Ең бастысы аман бол;
Праваны қайтесің пыраваны, Өзіңсіз қызық емес қыр алаңы, Төреғалижан-ау бұл қазақ аямайды, Құрбан болып, рухы сынып жылағанды;
Праваның керегі не, правасыз шапшы.

2023 жылы 14 маусымда түс ауа полиция Төреғали Төреәліні ұстады. Ол полицейлерге бағынбай, балағат сөздер айтып, полицейлерден қашпақ болған. Одан кейін 20 күн түрмеге қамалып, 7 жылға көлік жүргізу құқығынан айырылды.

Әншінің қорғаушысы Төреғали Төреәліні ұстау кезінде полицияның заңсыз әрекетке барғанын айтты.

Кейін полицейлердің заңды талабын орындамағаны үшін әншіге тағы үш күн қосылды.

2023 жылғы 3 шілдеде әнші тағы 15 тәулікке қамауға алынғаны белгілі болды.

Әнші 18 шілдеде бостандыққа шықты.

Оқи отырыңыз