"Оққағары бар". Серікбол Сайлаубек өзіне қатысты алып-қашпа әңгімеге қатысты түсінік берді

Біраз уақыт бұрын әлеуметтік желіде тойда Серікбол Сайлаубектің ән айтқан видеосы тарады. Ол видеода әнші алдында бірнеше қарулы адам тұрады, деп хабарлайды Zakon.kz.

Осыдан кейін "Әнші Серікбол Сайлаубек тойға оққағарларымен бірге барады екен" деген дабыра сөз кеңінен тараған. Осы видеоға қатысты әнші "Ұйқым келмейді" бағдарламасына берген сұқбатында түсініктеме бере кетті.

"Сарыағаш жақ болуы керек. 700 адамдық тойға Юлдыз Усманова апайымызды да шақыртыпты. Сахнаға шықсам, алдымда қолында автоматтары бар адамдар тұр. Өзім таң қалдым. Сол кезде ән айтқанымды алдымнан біреу түсіріп алып, интернетке салып жіберген. Мен оны білмеймін. Тойға көлікпен барғанмын. Алматыға тақағанда жан-жақтан қоңыраулар келіп түсті. Былай қарасаңыз, менің ол араға дым қатысым жоқ. Тек барып, ән айтқаным болмаса", - дейді әнші.  

Айта кетсек, алдында әнші Сәкен Майғазиевтың жол апатына ұшырағаны хабарланған болатын.