Қобызшы Шахназе Ілиясова Ұлыбританиядағы фестивальде Қазақстанның атынан өнер көрсетеді

Сурет: Мәдениет және ақпарат министрлігі

Қарағанды облысының тумасы, 22 жастағы қобызшы Шахназе Ілиясова Golden Time Talent халықаралық онлайн-байқауында бірінші орын иеленді. Енді ол Қазақстанды Ұлыбританияда өтетін фестивальде таныстырады.

Тәттімбет атындағы Қарағанды өнер колледжінің түлегі байқауға қашықтан қатысты. Ол Арман Жайымның оркестрімен прима-қобыз үшін концерт, Сергей Прокофьевтің "Монтекки және Капулетти" және Джой Хисайшидің One Summer 's Day туындыларын орындаған бейнежазбаларын жолдаған. Бұл туралы Мәдениет және ақпарат министрлігі мәлімдеді.

"Бірінші шығарманы орындаған кезде мені фортепианомен сүйемелдеді, үшіншісін Канада оркестрінің музыканттары сүйемелдеді. Барлық үш видео қаралымы бойынша жоғарғы қатарда тұрды. Гран-приге маған бір жарым ұпай жетпеді. Осыған қарамастан, мені биыл Лондонда өтетін фестивальге шақырды", - деді республикалық байқаулардың бірнеше дүркін жеңімпазы, "Сібір жұлдыздарды жағады" Халықаралық байқау-фестивалінің I дәрежелі лауреаты.

Шахназе Ботақар кентіндегі "Руханият" қосымша білім беру орталығында қобызда ойнауды үйретеді, волонтерлікпен айналысады және ЮНЕСКО клубында тұрады.

Оқи отырыңыз