Мейіржан Төребаевты үйіне жіберді
Сурет: Instagram/meirzhach_tv
Бейне 2024 жылдың 19 мамырында әлеуметтік желіде тарады.
Кәсіпкер Есеева жазба астына күйеуінің "заңға сәйкес қысқа мерзімді демалыс (113-бап, мекемеден тыс жерлерге шығу)" алғанын жазды.
"Балалар бақыттың жетінші аспанында. Кішілері соңғы кездесуден бері сөйлей бастады және оған көптеген сұрақтар қоюда. Үлкендері қазірдің өзінде саналы, жақында оның қайтадан Павлодарға кететінін сезеді, сондықтан болар, оны үнсіз құшақтап отыр", - делінген хабарламада.
Одан әрі ол сол жерде (Павлодарда) Төребаев күндіз "Еңбек" республикалық мемлекеттік кәсіпорнында (РМК) жұмыс істейтінін, ал кешке мекемеге оралатынын айтты.
"Ең бастысы, анамыздың жүрегі тынышталды. Жалғыз ұлы біраз уақыт болсын қасында", - деп түйіндеді ол.
2023 жылғы 23 маусымда Алмалы аудандық соты вайнерлер Мейіржан Төребаев пен Мейірхан Шерниязовқа үкім шығарды. Mudarabah Capital қаржы пирамидасы бойынша барлығы 12 сотталушыға қатысты іс қозғалды. Вайнерлер ең төменгі қауіпсіздік колониясында бес жылға бас бостандығынан айырылды. Қалған қатысушыларға сегізден 14 жылға дейін бас бостандығынан айыру жазасы берілді.
Жалпы, блогерлер жұмылдырылған қаржы пирамидасы 160 салымшыдан 2 млрд теңгеден астам қаражат жинаған.
