Вайнер Мейіржан Төребаевты қамауда ұстау мерзімі 18 қарашаға дейін ұзартылды

Вайнер Мейіржан Төребаевтың қамауда ұстау мерзімі тағы ұзартылды. Бұл туралы Zakon.kz тілшісіне Алматы қаласының мамандандырылған ауданаралық тергеу сотынан хабарлады.

2022 жылғы 18 қазанда қазақстандық вайнерді қамауға алу мерзімін ұзарту туралы сот шешімі шықты.

Тергеу органдарының күдікті Мейіржан Төребаевты қылмыстық іс материалдарымен танысу кезеңінде 1 айға, яғни 18 қарашаға дейін қамауда ұстауға санкция беру туралы өтініші қанағаттандырылды, - делінген сот жіберген хабарламада.

Қаулы заңды күшіне енген жоқ.