Шымкентте Орталық Азия елдері театрларының IX халықаралық фестивалі өтіп жатыр
Сурет: Мұхтар Әуезов атындағы қазақ ұлттық драма театрының баспасөз қызметі
Дәстүрлі түрде
9-мәрте өткізілетін Орталық Азия елдері театрларының IX Халықаралық
фестивалінің құрылтайшысы – Қазақстан Республикасының Мәдениет және ақпарат
министрлігінің Мәдениет комитеті.
Фестиваль Шымкентте Мұхтар Әуезов атындағы қазақ ұлттық драма театрының ұйымдастыруымен 2024 жылдың 6-11 қараша аралығында өтеді. Фестивальге Орталық Азия мен түркітілдес елдердің кәсіби драмалық және музыкалық-драмалық театрлары шақырылды.
Фестивальге Қырғызстан, Өзбекстан,Түркия, Қарақалпақстан, Татарстан, Әзірбайжан және Қазақстан театрлары арасынан іріктелген 9 спектакль қатысып, өзара бақ сынайды.
Сурет: Мұхтар Әуезов атындағы қазақ ұлттық драма театрының баспасөз қызметі
Фестиваль
аясында көрсетілетін қойылымдарға төрелік жасайтын әділқазылар:
- Қазылар алқасының төрағасы, Қазақстанның Еңбек Ері, Қазақстан және КСРО халық әртісі, КСРО және ҚР Мемлекеттік сыйлықтарының лауреаты, Қазақстан театрлар ассоциациясының президенті, профессор Асанәлі Әшімов (Қазақстан, Алматы).
- Қазылар алқасының мүшесі, театртанушы, өнертану докторы, Өзбекстан мемлекеттік өнер және мәдениет институтының профессоры Мухаббат Туляходжаева (Өзбекстан, Ташкент).
- Қазылар алқасының мүшесі, театртанушы, Өнертану кандидаты, Әзірбайжан мемлекеттік мәдениет және өнер университетінің профессоры Айдын Талыбзаде (Әзірбайжан, Баку).
- Қазылар алқасының мүшесі, театртанушы, Өнертану докторы, Шота Руставели атындағы мемлекеттік театр және кино университетінің профессоры Марина Васадзе (Грузия, Тбилиси).
- Қазылар алқасының мүшесі, театр журналисті, куратор, аудармашы, Бухарест университетінің PhD докторы, Румыниядағы Халықаралық театр фестивалінің кураторы Рэдулкеску Ралука (Румыния, Бухарест).
Фестивальге қатысатын қойылымдар Шымкенттегі Жұмат Шанин атындағы қалалық академиялық қазақ драма театры мен Шымкент орыс драма театрында көрсетіледі.
