Нұрсұлтан Әнуарбек "Романсиада-2024" орыс романсы байқауында І-орын иеленді
Сурет: ҚР Мәдениет және ақпарат министрлігінің баспасөз қызметі
Қазақ Ұлттық өнер университетінің "Вокалдық өнер" кафедрасының 4-курс студенті Нұрсұлтан Әнуарбек Мәскеуде өткен XXVIII Халықаралық "Романсиада-2024" орыс романсы байқауында бірінші орынды иеленді, деп хабарлайды Zakon.kz.
ҚР Мәдениет және ақпарат министрлігі баспасөз қызметінің хабарлауынша, "Романсиада" – Ресей Федерациясының Мәдениет министрлігінің қолдауымен өткізілетін маңызды байқау.
"Биыл бұл байқау 28-рет өтіп, ТМД елдері мен Еуропада аймақтық кезеңдері ұйымдастырылды. Осы кезеңдердің жеңімпаздары Мәскеуде өтетін финалға жолдама алды".ҚР Мәдениет және ақпарат министрлігінің баспасөз қызметі
Қазақстанда бұл байқау "Қазақ романсиадасы" атауымен Түркістан қаласында өтеді. Онда да Нұрсұлтан Әнуарбек жеңіске жеткен болатын.
Нұрсұлтан Әнуарбек Италияда өткен "Caruso - De Curtis" халықаралық байқауында бірінші орын, сондай-ақ "Қазақ романсиадасы" байқауында Гран-при иегері. Басқа да көптеген беделді байқаулардың лауреаты.
Сонымен қатар, ол бірнеше республикалық байқаулардың жүлдегері.
Бұған дейін елімізде "Айбоз" ұлттық әдеби сыйлығының жеңімпаздары марапатталғанын хабарлаған болатынбыз.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
