Димаш Құдайбергеннің Еуропадағы концертіне қалай жолдама ұтып алуға болады

Димаш Құдайберген "Тау ішінде" атты жаңа әніне челлендж жариялады, деп хабарлайды Zakon.kz.

15 мамыр күні сағат 20:00-де (Астана уақытымен) Димаш Құдайбергеннің YouTube желісінде "Тау ішінде" атты жаңа бейнебаянының премьерасы өтеді.

Әншінің жеке сайтының хабарлауынша, премьераға орай челлендж жарияланды: осы трекке түсірілген және ең көп қаралым жинаған қызық видео авторына үлкен сыйлық дайын!

Шарттары:

• Видеоның ұзақтығы 30 секундқа дейін болуы керек;
• TikTok немесе Instagram платформаларында жариялау;
• Хэштег: #TauIshindeChallenge.

Челлендж 2025 жылғы 8 мамыр мен 25 мамыр аралығында өтеді.

Жүлде — жеңімпаз өз таңдауы бойынша Димаш Құдайбергеннің жеке концертіне жолдама алады (Барселона, Берлин, Лондон немесе Рига). Ұшу және тұру шығындары толық қамтылады.

Нәтижесі — 26 мамырда Алматы қаласында өтетін фан-кездесуде жарияланады.