Әли Оқапов жаңа шоудың жүргізушісі болды

Қазақстандық әнші әрі шоумен, әнші Роза Рымбаеваның үлкен ұлы Әли Оқапов өзінің Instagram парақшасында Qazaqstan телеарнасындағы жаңа "Жұлдызды жол" тележобасының жүргізушісі болғанын мәлімдеді, деп хабарлайды Zakon.kz.

Өнер иесі жазбасында көп жылдық тәжірибесіне қарамастан, әрбір жаңа түсірілім алдында әлі де толқитынын айтқан.

Посмотреть эту публикацию в Instagram

Публикация от Али Окапов (@aliokapov)

"Үлкен жобаның жүргізушісі болу – әрқашан толқыныс. 19 сағаттық жұмыс күнінен кейін аяқ ісініп, аяқ киімге сыймай қалса да, жейде тағы келесі киюге жарамай қалса да – мен бәрібір сол жерде болғаныма қуанамын және келесі түсірілімді асыға күтемін", – деп жазды Әли Оқапов.

Әншінің айтуынша, ол әртүрлі форматтағы көптеген жобаларда жұмыс істеген, бірақ әр жолы іске толықтай беріле кіріседі. "Жұлдызды жол" шоуының премьерасы жаңа телемаусымда өтеді.

Бұған дейін бостандыққа шыққан Мейірхан Шерниязовтың алғаш рет желіде жазба жариялағанын жазған болатынбыз.