Димаш Құдайбергеннің әулетінде құдалық рәсімі өтті

Қазақстандық әнші Димаш Құдайбергеннің 24 жастағы қарындасы Раушан Құдайберген тұрмысқа шығатыны бірнеше ай бұрын белгілі болған еді. Ал 2025 жылғы 1 тамызда Раушан әлеуметтік желіде қазақтың дәстүрлі "құдалық" рәсімінен түсірілген әсерлі суреттерін бөлісті, деп хабарлайды Zakon.kz.

"Үлкендерден бата алу тойынан естелік суреттер", - деп жазды ол Instagram парақшасында.

Посмотреть эту публикацию в Instagram

Публикация от Kudaibergen Raushan, 🕊🇰🇿 (@raushan_kudaibergen)

Жарияланған жазбаға жүздеген жылы пікір жазылды.

Құдалық – қазақ халқындағы аса маңызды әрі мәртебелі салттардың бірі, болашақ құдалардың танысуы мен келісімге келу рәсімі.

Желі қолданушылары бұл қуанышты жаңалықты жылы қабылдап, жас жұбайларға ақжарма тілектерін арнады:

• Бақытты бол! Жүзінен күлкі кетпесін;
• Жүректен шыққан шын тілегім — әр күнің шаттық пен жақсы жаңалықтарға толы болсын;
• Ұзақ ғұмыр мен баянды махаббат тілеймін;
• Керемет жарасып тұрсыңдар;
• Жаңа шаңырақ құтты болсын! Махаббат пен түсіністік серіктеріңіз болсын;
• Құдды анасы сияқты — бір көргеннен байқалады;
• Біздің де жүрек жарды ақ батамызды қабыл алыңыздар;
• Сондай сұлусыздар. Махаббаттарыңыз берік болсын.