Ресейлік әнші Сергей Лазарев Қазақстанға келмекші

Танымал ресейлік әнші Сергей Лазарев Қазақстанда екі концерт өткізуді жоспарлап отыр, деп хабарлайды Zakon.kz.

Әнші Астана мен Алматы қалаларында өтетін концерттерін өзінің ресми сайтында жариялаған.

Сурет: sergeylazarev.ru

Елордадағы концерт "Конгресс-центр" сахнасында өтеді деп жоспарланған. Фан-аймақтағы билет бағасы 30 мың теңгеден басталады.

Ал Алматыдағы концерт "Алматы Арена" кешенінде өтпек. Мұнда фан-аймақ билеттерінің бағасы 25 мың теңгеден басталады.

18 сәуір күні бұл ақпаратты Русское Радио Азия бағдарламалық директоры Малик Рузиев Instagram желісінде жариялап, концерттердің өтетінін растады.

Сурет: sergeylazarev.ru

Бұған дейін миллиондаған оқырманы бар қытайлық блогер, Kazakh Tourism амбассадоры Тао Минсю Мемлекет басшысының атынан ІІ дәрежелі "Достық" орденімен марапатталғанын жазғанбыз.