KeshYOU тобының бұрынғы солисі Баян Алагөзоваға үндеу жасап, Астанадағы шоу кадрларын көрсетті

Қазақстандық әнші Балжан Бидаш Астанада өткен KeshYOU тобының 20 жылдығына арналған мерейтойлық концертке күтпеген жерден қатысып, жанкүйерлерін қуантты. Өнер иесі әлеуметтік желідегі парақшасында «Барыс Аренада» өткен концерттен фото және видео жариялады, деп хабарлайды Zakon.kz.

28 жастағы KeshYOU тобының бұрынғы солисі Instagram желісіндегі жазбаларының бірінде бұрынғы продюсері мен тәлімгеріне үндеу жасады.

"Тарих жасалды, Баян Алагөзова, Бағым Мұхитденова", – деп жазды Балжан.

Айта кетейік, Бидаштың елордадағы шоуға шығуы топ жанкүйерлері үшін күтпеген жағдай болды. Себебі әнші 29 мамыр күні Алматыдағы Орталық стадионда өткен алғашқы концертке қатыспаған еді.

"Мені көрген кездегі реакцияларыңыз… Шынымды айтсам, мені соншалықты күтеді деп ойламадым. Залдың дауысы, эмоцияларыңыз бен қолдауларыңыз – мұның бәрі ерекше сезілді. Сол сәтте мен өзімнің де қатты сағынғанымды… әрі сіздердің де мені қатты сағынғандарыңызды түсіндім. Осындай шынайы махаббаттарыңыз үшін рақмет! Мен сіздерді жақсы көремін. Жүрегімді қайтар, KeshYOU", – деп әнші жанкүйерлеріне алғысын білдірді.

Жазылушылар Балжанға жылы тілектерін айтып, комплименттер жаудырды:

• "Үздік".
• "Қандай сымбаттысың".
• "Жарқырай бер, қызым".
• "Бриллиант құрам, вау".
• "Бұл жолы бар назар Бидашта болды".
• "Неткен керемет концерт! Сен – үздіксің".
• "Сіз жарайсыз! Бастан өткерген сынақтардың бәріне қарамастан".
• "Дива! Нағыз сахна адамы! Әлемдік сахнада ән айтуға лайық талант!"
• "Әсіресе көшеде жанкүйерлеріңіздің тілегін ескеріп, барлығымен суретке түскеніңіз қатты ұнады. Көшеде өзіңізге айтқан сөзімді тағы да қайталаймын: Балжан, мен сізді жақсы көремін".

Бұған дейін Баян Алагөзованың KeshYOU тобының Астанадағы мерейтойлық шоуының қалай өткенін көрсеткені хабарланған болатын. Продюсер концерттің "керемет болғанын" айтып, елорда тұрғындарына алғысын білдірген еді.