Жарнамасыз және заңды кино: стриминг қалай жұмыс істейді
Сурет: MEGOGO
Бұл жағдай әрқайсымыздың басымыздан өткен шығар: жайғасып отырып, попкорнды дайындап, көптен күткен жаңа туындыны қосасыз — ал кейіпкерлердің ең бір тартысты диалогы кезінде экран жарнамалық роликпен үзіле кетеді. Қарақшылық (пираттық) сайттарда мұның себебі белгілі: ол жақта көрерменді заңсыз казинолардың қаптаған баннерлері мен құлақ тұндыратын роликтер мезі етеді. Ал мұндай жарнама ресми сервистерде пайда болғанда, көрерменнің ашуына тиетіні заңды.
Дегенмен үш басты артықшылықты — заңды қаралымды, жоғары сапаны және жарнамасыз көруді бірге ұштастыруға бола ма? Әрине, болады. Тек стриминг сервистерінің қалай жұмыс істейтінін, олардың жазылым түрлері несімен ерекшеленетінін және ресми платформаларда неліктен кейде жарнама кездесетінін дұрыс түсініп алсақ болғаны.
Фильмдерді заңды түрде қайдан көруге болады және бұл неліктен маңызды?
Заңды онлайн-кинотеатрлар фильмдер мен сериалдарға қолжетімділікті құқық иелерімен жасалған ресми келісімдер негізінде ұсынады. Яғни, барлық контент авторлар мен студиялардың тікелей рұқсатымен ғана таралады, ал көрермен оны платформаның ресми сайты немесе қосымшасы арқылы алаңсыз көре алады.
Аталған барлық артықшылық MEGOGO-да да толық қарастырылған. Мұнда сан түрлі жанрдағы фильмдер мен сериалдар топтастырылған, ыңғайлы іздеу жүйесі, арнайы тақырыптық сөрелер және көңіл-күйіңізге сай туындыны таңдау мүмкіндігі бар. Ең бастысы — күмәнді сайттардың қауіпті сілтемелеріне өтіп, цифрлық қауіпсіздікке қатер төндірудің қажеті жоқ.
Ресми платформада көрермен авторлық құқығы расталған лицензиялық контентке, тұрақты жоғары кескін сапасы мен таза дыбысқа, әртүрлі тіл мен субтитрлерді таңдау мүмкіндігіне қол жеткізеді. Сондай-ақ ақылды іздеу жүйесі мен әртүрлі құрылғыларда — Smart TV-дің үлкен экранынан бастап смартфондарға дейін — барынша жайлы көру мүмкіндігі қамтамасыз етілген (тиісті функциялар қолдау табатын құрылғыларда).
Фильмдерді жарнамасыз көруге бола ма?
Әрине, болады. Ол үшін шарттарында жарнамалық үзілістер қарастырылмаған тиісті сервисті және соған сай қаралым форматын таңдасаңыз жеткілікті. Мысалы, MEGOGO-да жазылым каталогындағы фильмдер мен сериалдар толықтай жарнамасыз ұсынылады.
Дегенмен контент түріне қарай ережелердің өзгеше болуы мүмкін екенін ескерген жөн: жазылым бойынша фильм көру мен тікелей эфирдегі телеарнаны тамашалау — екі бөлек дүние.
MEGOGO-да неліктен жарнама кездеседі?
Мұның жауабы сіздің нақты нені тамашалап отырғаныңызға байланысты. MEGOGO фильмдер, сериалдар мен телеарналарды қоса алғанда, контенттің түрлі форматтарын біріктіреді. Ал олардың таралу және көрсетілу шарттары бір-бірінен өзгеше болуы мүмкін.
MEGOGO-ның негізгі жазылым каталогындағы фильмдер мен сериалдарды жарнамасыз көру қарастырылған. Бұл көрерменге ең қызықты сахнаның ортасында жарнамалық роликтерге алаңдамай, оқиға желісіне толықтай ден қоюға мүмкіндік береді.
Ал егер телеарна көріп отырсаңыз, жарнамалық блоктар оның күнделікті тікелей хабар таратуының ажырамас бөлігі саналады. Олар хабар таратушы арнаның жеке эфир торына сай шығатындықтан, тіпті онлайн-сервиске жазылымның болуы да мұндай жарнамаларды әрдайым толық шектей алмайды.
Платформада видеоконтентке қол жеткізудің бірнеше үлгісі қатар жұмыс істейді:
- Жазылым (SVOD): сіз белгіленген тарифті төлеп, фильмдерді, сериалдар мен мультфильмдерді ешқандай жарнамалық үзіліссіз, баннерсіз әрі кедергісіз жоғары сапада тамашалайсыз. Сервис бейнеқатарға бөтен коммерциялық роликтер қоспайды; жалғыз ерекшелік — фильм авторлары түсірілім барысында кадрға өздері енгізген табиғи бренд интеграциялары (нативті продакт-плейсмент) ғана болуы мүмкін;
- Тегін каталог (AVOD): жазылым рәсімдемей заңды түрде көру форматы, мұнда контентке қол жеткізу ақысы ретінде қысқа жарнамалық роликтер көрсетіледі;
- Сатып алу немесе жалға алу (TVOD): негізгі жазылым топтамасына кірмейтін, бөлек шығатын кинопрокаттың тың премьералары.
Сондықтан кейбір бөлімдерде жарнаманың болуы — көрерменді алдау емес, ақылы жазылым рәсімдеуді әзірге жоспарламаған жандар үшін заңды көрсетілімнің бөлек форматы.
Фильмдерді заңды әрі жарнамасыз тамашалау — әбден мүмкін. Ол үшін ресми онлайн-кинотеатрды таңдап, нақты контентке қол жеткізу шарттарын алдын ала тексерген жөн. Бұл орайда контенттің заңды болуы оның жарнамалық үзіліссіз көрсетілетініне әрдайым кепілдік бере бермейді.
Егер сіз фильмдерді еш кедергісіз әрі жоғары сапада рақаттана тамашалағыңыз келсе — MEGOGO-дан өзіңізге лайықты жазылымды таңдаңыз.
Серіктестік ақпарат
