Қытайдағы жағдай. Денсаулық министрі елімізде локдаун енгізілмейді деп сендіреді

Денсаулық сақтау министрі Ажар Ғинияттың айтуынша, бүгіндері Қытай мен Қазақстандағы коронавирус инфекциясына қатысты жағдайдың айырмасы жер мен көктей.

Министр пандемия басталғаннан бері Қытай өте қатаң шектеу шараларын қабылдап, инфекцияны оқшаулауға қатысты шектеу іс-шараларына ерекше мән берді.

"Қазір Қытайдағы ұжымдық иммунитет қандай деңгейде екенін айта алмаймын. Оларда ауру шыққан жерлерде шектеу іс-шаралары қабылданады. Бұған халық өз наразылығын білдіріп жатқан болар", - деп Ажар Ғиният Қазақпарат тілшісі қойған сұраққа жауап берді.

Министрің айтуынша, бүгіндері елімізде 10 миллионнан астам адам вакцина салдырған, бес миллионнан астам адамға қайта вакцинациялау жүргізілген.

"Бізде ұжымдық иммунитет қалыптасқан, сондай-ақ омикронды адамдар жеңіл еңсеріп жатқанын ескере отырып, ел аумағында шектеу іс-шараларын енгізу жоспарланбаған".ҚР Денсаулық сақтау министрі Ажар Ғиният

Айта кетсек, алдында Қазақстанда коронавирустың "Омикрон BQ.1.1" штамының нұсқасы - "Цербер" штамы айналымда жүргені анықталғаны хабарланған болатын.

Оқи отырыңыз

Қазақстан оқушылары есту қабілеті нашар адамдарға көмектесетін қолданба әзірледі

11:56, 27 наурыз 2023

Елімізде коронавирус бойынша бір тәулікте 32 жағдай тіркелді

09:51, 27 наурыз 2023

Енді трамадол есірткі деп есептеледі және еркін сатылмайды

11:42, 25 наурыз 2023