Елордада екі велосипедшіні көлік қағып кетті
ҚазАқпарат
Қазіргі уақытта полиция қызметкерлері анықтау жұмыстарын жүргізіп жатыр.
Астана қаласының Ішкі істер департаментінен екі велосипедшіні көліктің қалай қағып кеткені туралы мәлім етті, деп хабарлайды ҚазАқпарат тілшісі.
«23 маусым күні 33 жастағы қала тұрғыны Сауран мен Достық көшесінің қиылысында «Дэу Матис» маркалы автокөлікті жүргізіп келе жатып, реттеушінің тыйым салу туралы ишарасын есепке алмай, қиылысқа шығып кеткен. Осыдан кейін ол екі велосипедшіні қағып кеткен. Зардап шеккендер медициналық мекемеге жеткізіліп, тексерістен кейін үйіне жіберілді», - деді ІІД-нің баспасөз қызметінен.
Қазіргі уақытта полиция қызметкерлері анықтау жұмыстарын жүргізіп жатыр. Қажетті сараптамалар тағайындалған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
