Қарағандыда жанармай бекетіне жай түсіп, жарылыс болды

ҚазАқпарат

Жарылыс 12 шілдеде болған.

Қарағандыда автожанармай құю стансаларының біріне найзағай түсіп, жарылыс болды, деп хабарлайды ҚазАқпарат тілшісі.

Куәгерлердің айтуынша, жарылыс 12 шілдеде болған. Қатты тарс еткен дауыс шығып, жанармай бекетінің тас-талқаны шыққан.

Қарағанды облыстық ТЖД-да хабарланғандай, 12 шілдеде 15:43-те Совхозная көшесінің бойындағы «Вита Марс» автожанармай құю стансасына найзағай түскені туралы хабарлама түскен. Оқиға орнына 5 техника мен өрт сөндірушілер және құтқарушылардан құралған 24 адам барған.

Оқиға орнында найзағай соғуы салдарынан 4 жанармай құю бағанының қирағаны анықталған.

«Өрт сөндірушілер жанармай құю бағандары мен жанар-жағармай материалдарын сақтайтын ыдыстарды салқындату жұмыстарын жүргізді. Өрт болған жоқ», - деп түсіндірді ведомствода.

Оқи отырыңыз