Астанада тағы да жолаушылар автобусы өртенді

Автобус Бейбітшілік көшесіндегі «Аграрлық университет» аялдамасына қарама-қарсы жерде жанды, деп хабарлайды Елорда Инфо «Астана LRT» компаниясының баспасөз қызметіне сілтеме жасап.

«Автобус 3 қаңтар күні Бейбітшілік көшесінің «Аграрлық университет» аялдамасына қарама-қарсы жерде жанды. Өрт №9 қоғамдық көліктің мотор бөлігінен шықты. Зардап шеккендер жоқ», - делінген компанияның хабарламасында.

Өрт автобус капотының ішкі қаптамасының қызуы себебінен орын алды.

«Жүргізуші жедел түрде жолаушыларды сыртқа шығарып, өрт сөндіру құралының көмегімен жанған өртті сөндірді», - делінген «Астана LRT» хабарламасында.

Оқиға орнына өрт сөндіру бригадасын шақырудың қажет болмады.

Техникалық көмек келгеннен кейін жолаушылар көлігі әрі қарай техникалық қызмет көрсету үшін автобус паркіне жөнелтілді.

Естеріңізге сала кетейік, Ш.Құдайбердіұлы даңғылында № 41 маршрут автобусы да өртенген болатын.

Оқи отырыңыз

Павлодарда автобус аялдамасы маңында бір бойжеткенді көлік қағып кетті

22:56, 26 шілде 2024

Қызылорда облысында сирек кездесетін жыртқыш аң - қара құлақты қаскөйлер атып тастаған

19:45, 26 шілде 2024

LEGO брендімен қауіпті контрафактілік ойыншықтардың сатылымына тосқауыл қойылды

16:21, 26 шілде 2024