Қарағандыда 1 жасар қыз бала ваннаға батып кетті

Үйде баланың 30 жастағы әкесі болған.

Қарағандыда бүлдіршін бала ваннаға батып көз жұмды, деп хабарлайды Zakon.kz Қарағанды облыстық полиция департаментіне сілтеме жасап.

2019 жылдың 5 маусымында Қарағандыдағы пәтерлердің бірінде 2018 жылы туған қыз бала қараусыз қалып, ваннаға батып қайтыс болды. Үйде баланың 30 жастағы әкесі болған.

– Аталған дерек ҚР ҚК 141 бабы 2 бөлігімен (Қауiпсiздiкті қамтамасыз ету мiндеттерiн тиісінше орындамаудан абайсызда жас баланың өліміне әкеп соғу) тіркелді. Сараптамалар тағайындалды. Мән-жағдай анықталуда. Өзге ақпарат ҚПК 201 бабы бойынша жариялауға жатпайды, – деді полицияның баспасөз қызметі.