Алматы қаласының сәулет-құрылыс басқармасының бас маманы сотталды
![zakon.kz, сурет - Zakon.kz жаңалық 16.10.2019 19:01](https://kaz.zakon.kz/pbi/WEBP/2023-12-06/file-8458c62b-b737-45ff-b85e-d35cf939cd0d/800x450.webp)
Ол заңсыз салынған ғимаратты бұзу бойынша сотқа іс-қағаз өткізбес үшін жеке кәсіпкерден 2 млн 600 мың теңге көлемінде ақша алып жатқан кезде ұсталып, жауапқа тартылған
Алматы қаласының Сыбайлас жемқорлыққа қарсы қызметі бұған дейін алаяқтық жасады деп айыпталған Алматы қаласының сәулет-құрылыс басқармасының бас маманы Д.Сейсембековке қатысты тергеуді аяқтады, деп хабарлайды Zakon.kz.
"Ол заңсыз салынған ғимаратты бұзу бойынша сотқа іс-қағаз өткізбес үшін, сондай-ақ заңсыз ғимаратта ешқандай кедергісіз кәсібімен айналысуы үшін жеке кәсіпкерден 2 млн 600 мың теңге көлемінде ақша алып жатқан кезде ұсталып, жауапқа тартылған", - делінеді агенттік хабарламасында.
15 қазанда Алматы қаласы Алмалы аудандық сотының үкімімен Сейсембеков ірі көлемде алаяқтық жасағаны үшін кінәлі деп танылып, 3 жыл 6 айға бас бостандығынан айырылып, 5 жыл бойына басшы лауазымдарды атқарудан, өз саласындағы қызметпен айналысу құқығынан аластатылды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript