Алматыда Қазақстанға заңсыз көші-қон арнасын ұйымдастырған топ ұсталды
ҚР ҰҚК баспасөз қызметі
2019 жылғы 15 қарашада ҚР ҰҚК Алматы қаласы бойынша департаменті Алматы қаласының прокуратурасымен бірлесіп, Орталық Азия аймағы елдері азаматтарының Қазақстанға заңсыз көші-қон арнасын ұйымдастырған қылмыстық топтың әрекетін тоқтатты, деп хабарлайды Zakon.kz ҚР ҰҚК баспасөз қызметіне сілтеме жасап.
Қылмыстық топ құрамында Алматы қаласының Көші-қон қызметі орталығының қызметкерлері, сонымен қатар құжат рәсімдеуді жеделдету қызметін ұсынатын бірқатар делдалдар, оның ішінде шетелдіктерге №086 нысандағы жалған анықтама беретін делдалдар болған.
Тінту нәтижесінде қылмыстық іс бойынша айыпталушылардан шетелдік азаматтардың 40-тан астам төлқұжаты, 2 миллион теңгеден астам сома және Қазақстанда шетелдіктерді заңдастыруға қатысты басқа да құжаттар тәркіленді.
Топ қылмыстық әрекетпен жүйелі түрде және ұзақ уақыт бойы айналысқан болып шықты.
Шетелдіктер жалған мекен-жайлар бойынша тіркеліп, жалған еңбек шарттары жасалған.
Тергеу шаралары жүргізілуде.
