Қарағанды облысында пышақталған үш жасар баланың денесі табылды

magiya.guru

Күдікті ретінде баланың анасы ұсталды.

Сәтпаев қаласында пәтерінде пышақталған үш жасар қыздың денесі табылған 34 жастағы әйелді ұстады, деп хабарлайды Sputnik.

- 27 қарашада сағат 15:00 шамасында 43 жастағы қала тұрғыны Сәтпаев қалалық полиция бөліміне қоңырау шалып, үш жасар қыздың пышақтан жарақаттанғанын хабарлады. Жедел-тергеу тобы оқиға орнына дереу жетіп, бұл фактіні растады, - дейді Қарағанды облысы полиция департаментінің баспасөз қызметі.

Полицейлер өздеріне қоңырау шалған адамның мекен-жайына жеткенде үйде пәтер иесі - әйел мен оның бірге тұратын ер азаматы болған. Екеуі де мас болған. Пәтерден пышақталған үш жасар қыздың денесі табылды.

Тергеу барысында әйел ұсталды. Полиция ҚР Қылмыстық кодексінің 99-бабының 2-бөлігі, яғни "Кісі өлтіру" бойынша қылмыстық іс қозғады. Ол бойынша қылмыскерге 15 жылдан 20 жылға дейін бас бостандығынан айыру немесе өмір бойына бас бостандығынан айыру жазасы қарастырылған.

Болған оқиғаның барлық мән-жайы тергеу кезінде анықталып, нақтыланады.

Тиісті сараптама тағайындалды.

Оқи отырыңыз