ҰҚК өкілдері Атырау облысында арнайы операция өткізді

Атырау облысында адам бопсалау және қарызды өндірумен айналысатын қылмыстық топты құрықтады, деп хабарлайды zakon.kz.

Арнайы операция барысында 2020 жылдың 3 маусымында Ұлттық қауіпсіздік комитетінің Атырау облысы бойынша департаменті қызметкерлері спорттық ортаның және деструктивті діни ағымдардың өкілдерінен тұратын бір топ адамның заңсыз әрекеттерінің алдын алды. Қылмыстық топтың қатысушылары аймақтағы кәсіпкерлерден ақша бопсалаумен, күштеп қарыз өндірумен айналысады, деп хабарлады ҚР ҰҚК баспасөз қызметі.

Арнайы операция кезінде қылмыстық топтың 5 белсенді мүшесі ұсталды, олардың кейбіреулері "ұрылар" идеологиясын ұстанады және трансұлттық қылмыстық қоғамдастықтың серіктестерімен байланыс орнатқан.

Сотталушылардың тұрғылықты жерлерін тінту кезінде үш дана түрлі қару мен оқ-дәрілер табылды. Ұсталған үш адам уақытша ұстау изоляторына қамалып, оларға қатысты бұлтартпау шарасын таңдау туралы мәселе қарастырылып жатыр. Екі адамнан куәгер ретінде жауап алынды. Тергеу шаралары жалғасуда, - деді ҰҚК-дегілер.

Оқи отырыңыз

Тәжікстан мен Өзбекстанда жер сілкінісі болды

14:58, 23 қараша 2024

Астана тұрғындарына қала көгінде әскери ұшақтар пайда болатыны ескертілді

11:32, 23 қараша 2024

Іле Алатауының басына шығып алған жасөспірім одан түсе алмай қиналған

09:45, 23 қараша 2024