Кафедегі жарылыс: Қайтыс болған азаматтың туысқандарына 1 млн теңге беріледі
ҚР ТЖМ
Сондай-ақ қайтыс болған азаматты Қызылордаға жеткізу бойынша көмек көрсетіледі.
Есіл ауданы әкімінің орынбасары Дәрменияр Қыдырбекұлы елордалық кафедегі жарылыстан қаза тапқан адамның туыстарына көмек көрсетілетіндігін айтты, деп хабарлайды zakon.kz тілшісі.
Марқұмның туыстарына 1 миллион теңге көлемінде қаржылай көмек көрсетіледі. Сондай-ақ, марқұмның денесін Қызылорда қаласына әуе тасымалы арқылы жеткізуге көмек көрсетіледі. Сонымен қатар, әкімдік қажетті құжаттарды алуда да жәрдем береді, деп хабарлады әкімдіктегілер.
Айта кетсек, 21 қарашада түстен кейін Нұр-Сұлтан қаласындағы кафелердің бірінде газ баллоны жарылды. Жарылыстан зардап шеккендердің бірі оқиға орнында көз жұмды. Тағы 23 адам әртүрлі дәрежедегі күйіктермен ауруханаға жеткізілді.
Арнайы комиссия оқиғаның мән-жайын анықтап жатыр. Елорда әкімі Төтенше жағдайлар министрлігі мен полицияға қаладағы басқа қоғамдық тамақтану орындарының өрт қауіпсіздігі ережелерінің сақталуын тексеруді тапсырды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Тәулік
Апта
Ай
Жыл
