Шымкентте ұйымдасқан қылмыстық топ ұсталды
![Pixabay, сурет - Zakon.kz жаңалық 19.01.2021 17:00](https://kaz.zakon.kz/pbi/WEBP/2023-12-20/file-144a0f5a-76b9-4876-99be-cccd1cc648a1/800x452.webp)
Қаржылық мониторингі комитетінің Шымкент қаласы бойынша экономикалық тергеу бөлімінің қызметкерлері іс жүзінде істелмеген жұмысты істеді, көрсетілмеген қызметті көрсетті және жеткізілмеген тауарларды жөнелтті деп жалған шот-фактуралар жасаумен айналысатын, белгілі бір ақыға шоттағы ақшаны шешіп, оны қолма-қол ақшаға айналдыратын сегіз адамнан тұратын ұйымдасқан қылмыстық топтың іс-әрекетін әшкереледі, деп хабарлайды zakon.kz.
Тергеу барысында қылмыстық топ 2017-2020 жылдар аралығында бюджетке жалпы сомасы 7,7 млрд.теңгеден астам салықтан жалтаруға мүмкіндік берген жалған шот-фактуралар жасағаны анықталды.
ҚР Қылмыстық Кодексінің 28-бабы, 3-тармағы, 216-бабы, 3-тармағы (жалған шот-фактуралар жасау), 262 -бабы, 1 және 2-тармақтары (ұйымдасқан қылмыстық топтарды ұйымдастыру) және 241-бап (бухгалтерлік есеп және қаржылық есептілік туралы заңнамасын бұзу), 24-бабы, 3-тармағы, 190-бабы, 3-тармағы (алаяқтық) бойынша ұйымдасқан қылмыстық топқа қатысты қозғалған қылмыстық істер сотқа жолданды.