Зейнеткерлер мен мүгедектерді алдаған алаяқ 6 млн теңгені үптеген

zakon.kz/Павел Михеев

Зардап шеккендер - зейнеткерлер, жалғызбасты аналар, 33 жастан 73 жасқа дейінгі мүгедектер, Есік қаласы мен Бәйдібек, Көксай, Саймасай және Бәйтерек ауылдарының тұрғындары.

Алматы облысының полициясы бірқатар қылмысқа қатысы бар алаяқты ұстады, деп хабарлайды zakon.kz.

Облыстық полиция департаментінің мәліметінше, азаматтарды 6 миллион теңгеге тақырға отырғызған алаяққа қатысты барлығы 10 қылмыстық іс қозғалған.

Ұсталған Есік қаласының 33 жастағы тұрғынының айтуынша, ол өз құрбандарын құжаттарды рәсімдеу үшін Халыққа қызмет көрсету орталығына келген кезде қолға түсіріп отырған. Өзін танысы бар білікті маман ретінде көрсете отырып, ол зейнетақыны, балалар жәрдемақысы мен мүгедектігі бойынша жәрдемақыны тіркеп беруді немесе оның сомасын өсіріп беруді ұсынған. Екі жыл ішінде қаскөй аңғал азаматтардан 170 мыңнан 1,5 миллион теңгеге дейін ақша алып, оны өз қажеттіліктеріне жұмсаған, - дейді тергеуші Асқар Қызайбаев.

Оқи отырыңыз