Шұңқырды паналаған. СҚО-да жоғалған ер адам орманнан табылды

polisia.kz, сурет - Zakon.kz жаңалық 05.10.2021 15:53 polisia.kz
Полиция қызметкерлерінің, жергілікті тұрғындардың және еріктілердің қарқынды іздестіру жұмыстары нәтиже берді.

Солтүстік Қазақстан облысында Димитровка ауылының жоғалған тұрғыны орманнан шұңқырдан табылды, деп хабарлайды zakon.kz.

Солтүстік Қазақстан облысы Полиция департаменті хабарлағандай, Тайыншы ауданының 31 жастағы тұрғыны 29 қыркүйекте үйінен шығып кетіп, сол күйі із-түзсіз жоғалған. Баласының жоғалғаны туралы анасы полицияға шағым түсірген. Әйелдің айтуынша, ол 29 қыркүйек күні кешке өзінің ВАЗ-21120 автокөлігімен белгісіз бағытта кеткен.

Полиция қызметкерлерінің, жергілікті тұрғындардың және еріктілердің қарқынды іздестіру жұмыстары нәтиже берді. Жергілікті тұрғындардың бірі полицияға Таранқұл мен Иверск арасындағы жолда қараусыз қалған ВАЗ көлігін көргенін айтты. Көлік жоғалған адамға тиесілі екені белгілі болды.

Полиция аумақты шолып, иісшіл иттерді жіберді, сондай-ақ ұшқышсыз ұшу аппараты, квадрокоптер қолданылды. Нәтижесінде ер адам орманнан аман-есен табылды. Осы күндері, 29 қыркүйектен 2 қазанға дейін таңертең ол Есіл орманында болған; сол арадан шұңқыр қазып, паналап, ұсақ жабайы алма теріп жеген. Ер адам өз отбасына оралды, үйден кету себептері зерттелуде, - дейді Криминалдық полиция басқармасының бөлім бастығы Сейілхан Жұмағұлов.

Жыл басынан бері Солтүстік Қазақстан облыстық полициясына хабар-ошарсыз кеткендер туралы 323 өтініш түсті, олардың 318-і бүгін іздестірілген.

Мақаламен бөлісу
Мақаламен бөлісу:
zkadm
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: