ШҚО-да аю атып алған браконьер ұсталды

pixabay.com

20 қазаннан 19 қарашаға дейін ШҚО аумағында "Браконьер" Республикалық жедел алдын алу іс-шарасы жүргізіліп жатыр.

ШҚО-да аю атып алған браконьер ұсталды, деп хабарлайды Zakon.kz.

Өскемен қаласының 51 жастағы тұрғыны 6 қарашада аюды атқаны үшін ұсталды. Ол өз атына тіркелген мылтықты қолданған екен. Етті өз тұтынысы мақсатында алған. Одан бөлек сирақтарын да алған, бәлкім оны кейін сатып жібермекші болған.

Аталған фактіге сәйкес, ҚР ҚК 337-бабы, "Заңсыз аң аулау" бойынша сотқа дейінгі тергеу басталды, қазіргі уақытта келтірілген шығын сомасы анықталып жатыр. Осы баптың санкциясына сәйкес, ол үш жылға дейінгі мерзімге бас бостандығынан айырылуы мүмкін, - деді облыстық ПД бастығы Сағат Мәдиев.

Жедел алдын алу іс-шарасы басталғаннан бері барлығы 360-тан астам рейдтік іс-шаралар өткізілді, оның барысында 605 табиғат қорғау заңнамасын бұзу, оның ішінде 394 аң аулау ережелерін бұзу анықталды. Сонымен қатар, 10 браконьер анықталып, оларға қатысты қылмыстық іс қозғалды.

Оқи отырыңыз