Елордалық жігіт достарымен бәстесіп, биіктен сауда үйіндегі субұрқаққа секірді

Мамандандырылған ауданаралық әкімшілік соттың шешімі бойынша құқық бұзушы қамауға алынды

Нұр-Сұлтан қаласының тұрғыны "Mega SilkWay" СОО-ның екінші қабатынан тура субұрқаққа секірді, деп хабарлайды Zakon.kz.

19 жастағы бозбаланың достарымен бәстескені белгілі болды.

Сауда орталығына келушілер оқыс жайттың еріксіз куәсі болды. Оқиға бақылау камераларына түскен .

Жас жігітті СОО күзетшісі ұстап алып, полиция қызметкерлеріне тапсырды.

Қоғамдық тәртіпті бұзушы "Есіл" ауданының полиция бөліміне жеткізілді. Нұр-Сұлтан қаласы ПД баспасөз қызметі

Оған қатысты ҚР ӘҚБтК-нің 434-бабы бойынша әкімшілік іс қозғалды. Мамандандырылған ауданаралық әкімшілік соттың шешімі бойынша құқық бұзушы қамауға алынды.

Ұсталған азаматтың бұрын да ұсақ бұзақылық үшін жауапқа тартылғаны анықталды. Ол Алматы қаласының метросында музыканы қатты қосқан.