Жоқ көлікті саудалаған алаяқ құрықталды

Ол қымбат көлікті арзанға әперемін деп алдап келген

Күдікті алаяқтық дерегі бойынша бұрын да жауапқа тартылған, деп хабарлайды Zakon.kz.

9 қараша күні Алматы облысы Іле ауданынының тұрғыны аудандық полиция басқармасының кезекші бөліміне алаяқтыққа қатысты шара қолдану туралы жазбаша өтініш білдірген. Ч есімді азамат көлік әперемін деп, оның 9 миллион теңгесін алып, хабарсыз кеткен.

Полиция қызметкерлері жедел-іздестіру жұмыстары барысында Алматы облысының тұрғынын ұстады. Ол қымбат көлікті арзан бағаға ұсынып, 9 миллион теңгені алып, хабарсыз кеткен. Іле аудандық полиция басқармасының бастығы Айдар Абдархманұлы

Күдіктіге қатысты ҚР Қылмыстық кодексінің 190 бабының 4 бөлігі бойынша қылмыстық іс қозғалды. Ер адам бұрын алаяқтық үшін жауапқа тартылған, сондай-ақ оған қатысты төрт факт дәлелденген.