Алматыдағы аласапыран кезінде мерт болған офицердің денесі Оралға жеткізілді

Алматыдағы тәртіпсіздік, сурет - Zakon.kz жаңалық 13.01.2022 22:50

Сурет: Алматы қаласы әкімдігі

Марқұмның денесі әскери ұшақпен қала әуежайына жеткізілді. 35-ші гвардиялық десанттық-шабуыл бригадасы командирінің орынбасары Сәндібек Қайыровпен қоштасуға туыстары, әскери әріптестері мен жерлестері келді, деп хабарлайды Zakon.kz

Ол кісі біздің жауынгер жолдасымыз, офицер, өзіне сеніп тапсырылған бөлімшеге бас болған мықты адам. Ол өз өмірін қатерге тігіп, соңына дейін қауіпсіздіктің шебінде тұрды. Қазақстандықтар үшін бұл орны толмас қайғы. Ол кісінің бейнесі біздің жадымызда мәңгі сақталады. ҚР Қарулы Күштері Десанттық-шабуылдау әскерлері қолбасшысының тәрбие және идеологиялық жұмыстары жөніндегі орынбасары Раджан Жанысов

"Мой город " порталы хабарлағандай, өңір басшысы Ғали Есқалиев қазаға байланысты көңіл айтты.

Алдында Алматы қаласында 35-ші гвардиялық десанттық-шабуылдау бригадасы командирінің орынбасары подполковник Қайыров Сәндібек Ғалымоллаұлымен қоштасу рәсімі өткені хабарланған. Ол шабуыл жасалған қала әкімдігінің ғимаратынан әскери қызметшілерді шығарып үлгерген, бірақ өзі аман қала алмады.

Алматы әкімі марқұм БҚО тумасының отбасына пәтер беруге уәде берді.

Оқи отырыңыз