Тепловоздан дизель отынын ұрлаған пойыз машинисі сотталды

Дизель отынын ұрлау фактісі бойынша жедел-іздестіру іс-шаралары барысында көлік полицейлері Алматы облысы Достық станциясы Ақтоғай локомотив депосы тепловозының 42 жастағы машинисін анықтап, ұстады, деп хабарлайды Zakon.kz.

Күдікті азамат «Бескөл-Достық» станциялары арасындағы аралықта жұқа тазалау сүзгісі арқылы 300 литр дизель отынын құйып, ұрлап кеткен. Көліктегі полиция департаментінің баспасөз қызметі

Ведомство өкілінің мәлімдегендей, аталған факті бойынша ҚР ҚК 189-бабы 2-бөлігі (сенiп тапсырылған бөтен мүлiктi иемденiп алу немесе талан-таражға салу) бойынша сотқа дейінгі тергеу жүргізілді.

Сурет: ҚР ІІМ көліктегі полиция департаменті

Тергеу нәтижесі бойынша Алакөл аудандық соты құқықбұзушыға 1 жыл 6 айға бас бостандығын шектеу жазасы тағайындалды.