Экологтар кен тиеген вагондар құлаған Ертіс өзенін тексереді

Сарапшылар өзенге улы зат түскен-түспегенін анықтау үшін судан сынамалар алды, деп хабарлайды Zakon.kz.

Біз қазір су құрамында мырыш, қорғасын, мыс қоспасы сияқты ауыр металдар бар-жоғын анықтау үшін судың химиялық құрамына зерттеулер жүргізіп жатырмыз. Ертең сағат 11:00-ге дейін оның алдын ала нәтижелері белгілі болып қалуы керек деп отырмыз. ШҚО бойынша экология департаментінің басшысы Данияр Әлиев

"Астана" телеарнасының хабарлауынша, темір жолдағы апат салдарын жоюға ҚТЖ-ның жүзден астам қызметкері жұмылдырылған.

Шығыс Қазақстан облысында 3 сәуірде Өскемен – Құмыстау теміржол учаскесінде 18 вагоннан тұратын жүк пойызы рельстен шығып кетті.

Қаза болғандар мен зардап шеккендер жоқ. Жолаушылар және жүк пойыздарының кідірісі байқалмайды.