Сотталған ер адам есірткіні түрмеге асқазанына салып өткізбек болған жерінде ұсталды

Солтүстік Қазақстан облысы, есірткі, түрме, сотталушы, сурет - Zakon.kz жаңалық 19.04.2022 18:05

Сурет: pexels

СҚО бойынша ҚАЖ департаментінің ЕС-164/3 мекемесіне жазасын одан әрі өтеу үшін келген сотталғандарды қабылдау кезінде Н есімді сотталғанның асқазанынан түйіншек анықталды, онда ерекше иісі бар өсімдік тектес зат табылды, деп хабарлайды Zakon.kz.

Сараптама қорытындысы ол салмағы 2,57 грамм болатын марихуана екенін көрсетті.

Полиция қызметкерлерінің айтуынша, асқазанда тасымалдап, өткізуге тырысқан есірткі затын сотталған ЕС-164/3 орташа қауіпсіздік мекемесінде заңсыз пайдалануға ниеттенген.

Есірткі заттарымен заңсыз айналысқаны үшін сотталған Н-ға қатысты Петропавл қаласының полиция басқармасы ҚР ҚК 296-бабы 2-бөлігі (Есірткі құралдарын, психотроптық заттарды, сол тектестерді өткізу мақсатынсыз заңсыз дайындау, қайта өңдеу, сатып алу, сақтау, тасымалдау) бойынша сотқа дейінгі тергеуді бастады. СҚО бойынша қылмыстық-атқару жүйесі департаменітінің баспасөз қызметі

Бұл баптың санкциялары 160 айлық есептік көрсеткішке дейінгі айыппұл түріндегі қылмыстық жауаптылықты көздейді.

Оқи отырыңыз