Қазақстандықтардың жағасын ұстатқан видео Маңғыстауда түсірілген болып шықты

Әлеуметтік желі, сурет - Zakon.kz жаңалық 25.04.2022 19:53

Сурет: pixabay

Сарапшылар құстардың өлексесі бұзылып, ыдырап кеткен, сондықтан олардың неден қырылғанын анықтау мүмкін болмағанын айтады, деп хабарлайды Zakon.kz.

Lada.kz Орман шаруашылығы және жануарлар дүниесі комитетінің жануарлар дүниесі және аңшылық шаруашылығы басқармасының басшысы Қуат Чумакаевтың сөзін келтіре отырып, сирек кездесетін құстардың қырылуына ауа райының қолайсыз жағдайлары себеп болғанын хабарлайды.

Сарапшылар қоқиқаздар қырылған орынға барып, ол арадан құстың бес өлексесін тапты. Сырттай тексеру кезінде құстарда оқ тиді дейтіндей із болмаған. Әлеуметтік желіде таралған видео 14 сәуірде түсірілген. Сараптама жүргізу мүмкін болмады. Ветеринария саласындағы сарапшылар қоқиқаздардың қырылуы қолайсыз ауа райына байланысты болуы мүмкін екенін айтады. Яғни құстар әлсіреп, жақын маңда су қоймалары болмағандықтан, жазық далада осылай қырылып қалғанға ұқсайды. Қазір бұл іспен полиция айналысуда. Қуат Чумакаев

Бұған дейін Бейнеу ауданында бір бала далада қырылып жатқан құстардың өлексесіне тап келгені хабарланған болатын.

Оқи отырыңыз