Семейде оқушы суға батып бара жатқан сыныптасын құтқарып қалды

Семейде Ертіске батып кете жаздаған 7-сынып оқушысын сыныптасы құтқарып қалды, деп хабарлайды Zakon.kz.

1 мамырда Әуезов аудандық полиция бөлімінің кезекшісіне кәмелетке толмаған баланың суға батып кеткені туралы куәгерден шағым түскен.

Бірақ, қуанышқа орай, полицияға түскен ақпарат расталмады – бала дін аман, деп жазды arnapress.kz.

«11 жастағы бала алғашқы медициналық көмек көрсете білген сыныптасы, №11 мектептің 7-сынып оқушысы Омаров Руслан Нұрғалиұлының арқасында тірі қалды», – деп хабарлады Семей қалалық ІІБ баспасөз қызметі.

Оқиға орнына жеткен патрульдік полиция батальоны суға батып кете жаздаған баланы жедел жәрдем бригадасына тапсырды.