Кәрім Мәсімовті қамау мерзімі тағы бір айға ұзартылды

ҚР ҰҚК, Қылмыстық кодекс, мемлекетке опасыздық жасау, сурет - Zakon.kz жаңалық 12.05.2022 12:58

Сурет: gov.kz

ҚР Ұлттық қауіпсіздік комитетінің экс-төрағасы Кәрім Мәсімовті қамауға алу мерзімі бір айға ұзартылды, деп хабарлайды Zakon.kz.

ҚР Ұлттық қауіпсіздік комитетінің мәлімдеуінше, Кәрім Мәсімов пен Әнуар Садықұловты қамауда ұстау мерзімі 6 маусымға дейін, Дәулет Ерғожиннің қамау мерзімі 13 маусымға дейін ұзартылды.

ҰҚК тергеу-жедел тобы Мәсімовке, Садықұловқа, Ерғожинге және т.б. тұлғаларға қатысты ҚР Қылмыстық кодексінің 75-бабының 1-бөлімінде, 179-бабының 3-бөлімінде, 218-бабының 3-бөлімінің 3-тармағында, 362-бабының 4-бөлімінің 3-тармағында, 366-бабының 4-бөлімінде көзделген қылмыстық белгілер бойынша қылмыстық істі тергеуді жалғастырып жатыр.ҚР Ұлттық қауіпсіздік комитетінің баспасөз қызметі

Еске салсақ, 6 қаңтарда ҚР ҰҚК мемлекетке опасыздық жасау (ҚР Қылмыстық кодексінің 175-бабы 1-бөлігі) бойынша сотқа дейінгі тергеуді бастады – Кәрім Мәсімов пен басқа да тұлғалар ұсталып, уақытша ұстау изоляторына қамалды.

Оқи отырыңыз