Петропавлда мұнай базасы маңынан өрт шықты

Сурет: СҚО ТЖД қоғаммен байланыс тобы

Мұхтар Әуезов көшесіндегі өндірістік аймақта құрғақ шөп пен қамыс өртенді, деп хабарлайды Zakon.kz.

Оқыс оқиға 13 мамырда орын алды.

Келіп түскен қоңырау бойынша оқиға орнына Петропавл қаласының өрт сөндіру бөлімдерінің бөлімшелері аттанды. Өрт батпақты аумақта туындағандықтан өрт сөндірушілердің жұмысында белгілі бір қиындықтар туындады. Қаланың өртке қарсы қызметімен әріптесе жұмыс жасайтын қосымша күшті тартуға тура келді. СҚО ТЖД қоғаммен байланыс тобы

Сурет: СҚО ТЖД қоғаммен байланыс тобы

Оқиға орнында "СҚО ТЖД Өрт сөндіру және авариялық-құтқару жұмыстары қызметі" ММ, Оңтүстік Орал темір жолының Петропавл бөлімшесінің әскерилендірілген өрт сөндіру командасы, жергілікті атқарушы органдардың, "Қызылжар су" және мемлекеттік емес өртке қарсы қызметтің күштері мен құралдары жұмылдырды. Оқиға орнында барлығы 73 адам мен 21 техникасы жұмыс істеді.