Ақтөбеде қараусыз гараждан граната табылды

Оқыс оқиға "Авиатор-3" гараж кооперативіндегі қараусыз құрылыс нысанын сүру кезінде орын алды, деп хабарлайды Zakon.kz.

Оқиға орнына шұғыл қызметтер келіп жетті. Арнайы бөлімше саперлері "Ф-1" әскери гранатасын тапты. Олар оны баллистикалық сараптамаға жолдады.

Полиция гараждың бұрынғы иесін анықтап жатыр.

ҚР ҚК-нің 287-бабы 3-бөлігі, яғни "Қаруды, оқ-дәрілерді, жарылғыш заттар мен жарылғыш құрылғыларын заңсыз сатып алу, өткізу, сақтау, тасымалдау немесе алып жүру" бойынша сотқа дейінгі тергеу басталды.

Сурет: Ақтөбе облыстық ПД баспасөз қызметі