Қарағанды облысында 54 миллион теңгенің рельстері ұрланды
Сурет: видеодан скриншот
Көліктегі полицейлер құны 54 миллион теңгеден (222 м) асатын рельстерді ұрлады деген күдікпен бір топ адамды ұстады. Бұл туралы Көліктегі полиция департаменті мәлімдеді, деп хабарлайды Zakon.kz.
Осы жылдың сәуір айында бір топ адам арнайы техниканы пайдалана отырып, Жезқазған-РЗД-1 стансасының учаскесінде төсеуге және кейіннен ауыстыруға арналған жалпы ұзындығы 222 м рельстерді ұрлап кеткен, 1600 м темір жол төсемі зақымданған. Келтірілген шығын көлемі 54 миллион теңгеден асады. Көліктегі полиция департаментінің бастығы Оңал Бекиев
Оның айтуынша, желілік полиция бөлімінің қызметкерлері 21 мамырда Қарағанды-Сортировочная стансасында төрт күдіктіні (Қарағанды облысының тұрғындары) ұстады.
Көліктегі полиция департаментінің бастығы заттай айғақтар тәркіленгенін атап өтті.
Аталған факті бойынша Қазақстан Республикасы Қылмыстық кодексінің 188-бабы 4-бөлігінің 3-тармағы (Адамдар тобының алдын ала сөз байласуымен аса ірі мөлшерде жасаған ұрлық) бойынша сотқа дейінгі тергеу басталды.
Өзге мәліметтер ҚР Қылмыстық-процестік кодексiнің 201-бабының талаптарына сәйкес тергеу мүддесіне орай жариялауға жатпайды.Оңал Бекиев
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
