Павлодарда 10 тонна өсімдік майы тиелген жүк көлігінің тіркемесі өртеніп кетті

Төтенше оқиға, сурет - Zakon.kz жаңалық 28.05.2022 17:42

Сурет: Zakon.kz/Павел Михеев

Оқыс оқиға сағат 12:06-да Успенка ауылының маңындағы республикалық маңызы бар Павлодар-Успенка-РФ тас жолында орын алды, деп хабарлайды Zakon.kz.

Кең далада 2004 жылы шыққан KRONE ZZF18 маркалы ауыр жүк көлігінің қаптамамен оралған тіркемесі толығымен жанып кетті. Онда 20 шаршы метрді алған пластикалық ыдыстардағы 10 тонна өсімдік майы тиелген еді. Барлығы түгі қалмай өртенді. Павлодар облыстық ТЖД баспасөз қызметі

Өрт сағат 13:50-де сөндірілді. Жүк Новосібірден Бішкекке Қазақстан шекарасы арқылы кетіп бара жатқаны айтылады.

Сонымен қатар, аймақта екі орында құрғақ шөптің өртенуі орын алды. Қызыл жалын бірінде 500 шаршы метр аумаққа тараса, екіншісінде 4 гектар жерді қамтыды.

Өрт сағат 14:40-та жойылды.

Қаза болғандар мен зардап шеккендер жоқ.

Өрттің шығу себебі мен залал көлемі анықталады.

Өртті сөндіруге ТЖД жеке құрамының алты адамы мен екі техникасы жұмылдырылды.

Оқи отырыңыз