Павлодар облысында үлкен жолда жаяу жүргіншіні көлік қағып, мерт қылды

Республикалық маңызы бар Павлодар – РФ шекарасы тас жолының оңтүстіктен солтүстікке қарай Рождественка ауылының маңында сағат 00:25 шамасында қайғылы оқиға орын алды, деп хабарлайды Zakon.kz.

Mazda тізгініндегі 35 жастағы жүргізуші 55 жастағы ер адамды қағып кетті, ол жол шетімен кетіп бара жатқан. Жол-көлік оқиғасы салдарынан жаяу жүргінші алған жарақаттарынан оқиға орнында көз жұмды, деп хабарлайды pavlodarnews.kz облыстық полиция департаментінің баспасөз қызметіне сілтеме жасап.

Жол апаты орын алғанынан 10 минут өткен соң оқиға орнына келіп жеткен дәрігерлер зардап шегушінің көз жұмғанын растады.

Аталған факті бойынша тексеру жүргізіліп жатыр.