Алматы облысында жолдан өтіп бара жатқан баланы көлік қағып, мерт қылды

Қайғылы оқиға 19 қыркүйекте сағат 18: 45 шамасында Талғар ауданында орын алды, деп хабарлайды Zakon.kz.

Toyota Camry көлігінің 24 жастағы жүргізушісі Жетіген – Алматы тас жолымен келе жатып, Жаңалық ауылында жаяу жүргіншілерге арналған жолақтан өтіп бара жатқан 10 жасар баланы қағып кетті. Алматы облысының полиция департаменті

Жол-көлік оқиғасы салдарынан бала оқиға орнында алған жарақатынан көз жұмды.

Аталған факті ҚР ҚК 345-бабының 3-бөлігінде көзделген қылмыстық құқық бұзушылық құрамының белгілері бойынша Талғар ауданы ПБ СДТБТ-де тіркелді.

Тиісті сараптамалық зерттеулер тағайындалды.