Алматыда бірнеше жол апатын жасаған КАМАЗ-ды куәгерлер қуып жүріп, тоқтатып алды
![Жол апаты, сурет - Zakon.kz жаңалық 29.05.2022 10:42](https://kaz.zakon.kz/pbi/WEBP/2023-12-20/file-ae8fa703-086f-4afa-803d-3461d6f7aa0f/800x451.webp)
Райымбек даңғылында үш көліктің қатысуымен жол апаты орын алды.
Куәгерлердің айтуынша, КамАЗ Райымбек даңғылы бойымен қатты жылдамдықпен келе жатқан, оның үстіне арлы-берлі қатардан қатарға өтіп отырған.
№7 қалалық ауруханасы артында ол Toyota Camry-ді іліп кетеді. Бірақ оған тоқтамаған жүргізуші ақ түсті Hyundai Elantra-ның алдын кесіп өтеді. Жеңіл көлік жүргізушісі оған соқтығыспауға тырысып, рөлді бұрып, жолды бөлуші басты жолаққа қарай ұшып кетеді. Көлік жолақ шетіндегі қалқаға сырылып, оның 10 метрін бүлдірді.
![Жол апаты, сурет - Zakon.kz жаңалық 29.05.2022 10:42](https://kaz.zakon.kz/pbi/WEBP/2023-12-20/file-49645c71-d33e-4c94-87db-a52990df845c/800x451.webp)
Сурет: Zakon.kz
Бұл уақытта КамАЗ жүргізушісі қызыл түсті тағы бір Hyundai Elantra-ны барып соқты.
![Жол апаты, сурет - Zakon.kz жаңалық 29.05.2022 10:42](https://kaz.zakon.kz/pbi/WEBP/2023-12-20/file-8d904871-208d-4201-b49e-41d1e0f211f2/800x451.webp)
Сурет: Zakon.kz
![Жол апаты, сурет - Zakon.kz жаңалық 29.05.2022 10:42](https://kaz.zakon.kz/pbi/WEBP/2023-12-20/file-d8bbd58c-fd96-4a4b-a7df-421c630de320/800x451.webp)
Сурет: Zakon.kz
Екі Hyundai оқиға орнында тоқтады, ал Toyota жүргізушісі мен басқа да куәгерлер жүк көлігінің соңына түсіп, қуа жөнелген. Біраз уақыттан кейін олар жүк көлігін тықсырып, тоқтауға мәжбүр етеді. Куәгерлер кабинадан 3-4 адам секіріп шыққанын айтты. Олардың біреуін ұстау мүмкін болған. Сондай-ақ, куәгерлер жүк көлігінің ішінде сыраның бөтелкелері шашылып жатқанын айтты.
![Жол апаты, сурет - Zakon.kz жаңалық 29.05.2022 10:42](https://kaz.zakon.kz/pbi/WEBP/2023-12-20/file-32ad2d88-42db-4eac-99f2-e3bd3c5e895b/800x451.webp)
Сурет: Zakon.kz
Ұсталған адамды медициналық куәландыруға алып кетті. Оқиға орнында криминалист саусақ іздерін алды.
![Оқыс оқиға, сурет - Zakon.kz жаңалық 29.05.2022 10:42](https://kaz.zakon.kz/pbi/WEBP/2023-12-20/file-4dc631cd-0625-43ec-b169-954802c85b3f/800x451.webp)
Сурет: Zakon.kz
Жол апатынан бірнеше адам зардап шекті. Қызыл түсті Hyundai-дың жүргізушісі ауруханаға түсті, бірақ кейін ол апат орнына оралды. Ақ түсті Hyundai-да екі жүкті әйел және екі жасар бала болған. Жүкті әйелдің бірін дәрігер оқиға орнында қарап, үйіне қайтарды, ал екіншісін екі жасар ұлымен ауруханаға алып кетті.