Алматы облысында техникалық тексеруді заңсыз жүргізген операторлар анықталды

Алматы облысы, техникалық тексеру орталығы, сурет - Zakon.kz жаңалық 17.06.2022 14:29

Сурет: pexels

Жалған операторлар 2021-2022 жылдар аралығында фотошопты пайдалана отырып, автокөліктердің мемлекеттік нөмірлерін өзгертіп жалған техникалық байқау жүргізген, деп хабарлайды Zakon.kz.

Сыбайлас жемқорлыққа қарсы қызметтің мәлімдеуінше, «жалған операторлардың» қызметін мемлекеттік мекемелер, білім беру объектілері және өзге де мекемелер пайдаланған. Техникалық байқау ешбір ғимаратсыз, аула-аумақсыз және жабдықсыз қашықтықтан «онлайн» форматта жасалған.

Тергеу мәліметіне сәйкес, көлікті техникалық байқаудан өткізу үшін 25 минуттан аса уақыт жұмсалады. Орта есеппен, бір күнде оператор 30-ға жуық көлікті тексере алады. Алайда, «жалған операторлар» күніне 50-ден астам техбайқау өткізген. Сыбайлас жемқорлыққа қарсы қызмет басшысының бірінші орынбасары Тимур Темірәлиев

Сондай-ақ, Антикоррупциялық қызмет өңірде 25 техникалық байқау өткізетін ғимараттардың мекен-жайлары да жалған болып шыққанын анықтады.

Оқи отырыңыз